UZO Annual Assembly-2004
Friday, October 3, 2008
Proceedings of the 50th United Zomi Organisation, NEI Annual Assembly-2004 Held at Zogâl Hall on the 12th November, 2004. Pu Upa Suankhanmang is in the chair.
Hat ahibang in a 50veina UZO Annual Assembly,2004 tuni 12/11/2004(Ziltawpni) in Zougâl Hall ah Pu Suankhanmang, Speaker uhna nuoi a nei ahi. Vaiguon (Programme) a bang in Pu Liansuankap, Acting General Secretary in Recording a bawl hi.
Assembly Honna
Pu Rev. P. Khupdoukham, Moderator, ELCC in Laisienthou Nasepte 17:21 leh Isai 60:12 sim in a 50veina UZO Annual Assembly honna/Siensuona a nei hi. Hantawh thugenna a neizou in thumna a nei hi.
Speker puina in Assembly nukhia pen leh tukikâl a ang shisantate sûnna nei ahia, speaker chielna bang in General Secretry in mishite min simkhietna a neizaw in Minute 2 sung Assembly palai zousie ding in daidide in ki-um a, Speaker guot bang in Rev. H. Nengzatun in thumna a nei hi.
Speaker chiel bang in Pu Haumang, Secretary, Haupi Block in UZO Lapi sahna mapui hi. Member peikhawm 82 ahi (See Annexture A)
Speaker chielbang in zatat-huoi Pu T. Hangkhanpao, President UZO in Assembly Address a bawl hi (See Annexture B).
Speaker in Presidential Address toh kisai doh ut, dohtheina hun a hong hi. Memberte’n a dohte uh President in hilchetna a bawlzou in No.3 leh No. 5 pen agenda a lah ahia, adangte Proceeding a pom ahita hi.
Assembly thusai poimawte
• Misingsimna zousiengta Kailamnuoi Block kipahpi ahi. Adangte’n Golden Jubilee tan a zousieng a Treasurer a submit chiet dîng.
• Unit leh Block hun(Term) 31/10/2004 a beita pen EC in haguh belap dîng a ang puohlut khu pom ahi.
• Constitution Amendment, Bill 2004 EC in ang luikhiet khu a nuoiate chillou adangteng pom ahi. Tuate: Bawng III Khîl (1) (F), (G) leh (H) (Annexture D)
• Presidential Address No. 3 leh No. 5 khu EC in na ngansie ahi.
• Election Commission dîng EC in na guongta henlen, guona umte’n term khatsung (Kumli) a paw dîng uhi.
• Singngat Block thulut Pawlpi min khu United Zou Organisation chitah dîng thu pen EC ngansie ahi.
• Behieng Block thulut, Tv. Hangliankhup ZDV a pang, Zailtâng hing pawt khu civillian khat a a ummuong theina dia pawlpin pan lahpieh dîng a, block tungtawn a, a pa’n ngetna a bawl khu kipahpi ahi.
General Secretary munawng a dia Bye-Election a dia, kingetna laipie Pu m. Dongzalam Zou khu Speaker in Uncontest a ching a hita chia innpi a theisah khu kipahpi ahi. Dân bangtah in Speaker chiel bang in Pu T. Hangkhanpao, President UZO in Gin-umna thuchiem a neisahpai hi.
Adoption of Resolutions zawsieng ahi in a nget bang in, Speaker phalna toh Pu T. Gougin, Father of Zou (Zou Pa) in thugenna a nei hi. Ama’n “I thupi dîng un-Pasian/Mangpa zatat khu pilna bul ahi. Silbangkim bul ahi- chi khu hitaleh” chi in Assembly palâite vaihah hi.
Text of Speech of T. Hangkhanpao, President UZO (NEI) At the United Zomi Organisation Annual Assembly Session held at Zogal Hall, Zoveng, Churachandpur, Manipur, On the 12th Nov. 2004.
Zatat huoi 2004 UZO Annual Assembly hing mang, UZO Block 12 apat hing pei Assembly palaite na hun manphatahte uh i nam vaihawmpina “Assembly” a diing a nang piehkhietthei jieh un na unpi uh tung ah lungdam thu ka’ng gen masapen hi. Tualeh tamchibang a kisutuothei a i umtheina pen i Pa Pasian ma, hing panpina jieh ahi chizong i phoh ua, ama tung ah kipah i gensawn kia uhi. Tualeh, ngainatah in Hq. lamkaite sih-le-taang in kang nalamtuona un ka touna uh chiet apat dinsa’n ka khut zietlam chiet ka’ng domsang uhi (ZWC Membr teng ding in khutzietlam Mipilam en in me hiuhiau kawm in a khut zietlam chiet a domsang uhi)
Tutung Assembly hi UZO(HQ) tu-le-tu a lamkaite a diing in aniveina ahi hi. 2002 September in 2002 Annual Assembly nei ana kisawm a, ana kiphuong khemanta a, ahi’n ZDV te’n ang kham jieh un 2002 Annual Assembly a kineilou khat a suohta a, tuajieh in 2001 H.Q. Electionzou apat Assembly 2vei i manna uh ang suoh hi. Ahi’n, nam khat kichi iyi a, Danbupi khat neisam iyi a, UZO in a theiphahlou pawltuom khat in ang kham jieh a annual Assembly neilou um pen dihtheilou hi chia, mipi ngaidan a um jieh in 2003 April in Manipur Presbyterian Church Synod Hal, IB Road, Lamka ah a kinei hi. Neitheilou dia kham pawl bang ang um nalai a, ahi’n BSF Security kinaisah a, a kipeisuoh hi Khujieh in BSF-te kung ah avelvel in kipahthu i puong uhi. I Zogal Memorial Hall, Phamsa i lamkaite’n kisahtheipitrah a, ana puo uh, UZO (NEI) adia, i gouneisun uh sung a Assembly neingamlou a i umtheinate uh pen koimadang jieh hilou in Zou Nam khan diing dei sengseng a “UZO hatsih uteh, hang sih uteh, nam it sih uteh” chia ei ipla na umtah jieh ahizaw a, ahi’n tuni’n dam leh bittah in tam Hallpi sung ah i toutheita ua, a hatdeu, a hangdeu, nam itdeu semta i hi uh chi i kiphawh diing ua, tamte jieh in zong “ I Pa Pasian in Zou nam mawlte lah ah thupina hing tangzingta hen”.
Zatat-huoi, assembly memberte, tutung i Assembly leh na masang uah thu themkhat ka’ng luikhe nuom hi.
1. Population
Zoute 2001 General Census dungzui in 19,000+(Below 20,000) i pha uhi. Zoukam a hamnapi, Zoutawn a tawnnapi, Zou a kikhum nuomlou Zou sung a i um jieh un i misingza i pun diing bang un i pungthei sih uhi. Kumsiel in January leh February in Govt. in mising simna census a bawl zing a Hausa khonei, gam neite’n a khuo mising kisimna i khohsah mama uh a ngaita hi.
UZO in mising simna diing in mi khat ah Dangaka peh khat (Re 1) registration lah diing chi’n 2002 leh 2003 General Fund donglouzen in vai i h awm ua, hinanleh kum thum sung i sihnua un zong a zoutheilou Block i umnalai uhi.
2. I Nam Dinmun
Zoute pen Zomi kichite lah a nam khat mama i hi uhi. Ham-le-pau tuom i kinei a, i ham in class X subject khat Mark 100 puo kisim in kigieltheita hi. Ei zoute pen i pu- i pa tawndan chiengtah kemte i hi ua, tualeh i kivaihawmna uh UZO ahi hi. UZO India gam a Zoutate kivaihawmna hinanleh koitobang Zousuon hikhalou, i mahpa ahisihleh i pu suite (e.g. Chin Kuki, Mizo sung guoh hilou in, Kawl, Vai, Nepali, English, etc.) hinanleh UZo sung a hamuong diing leh bit diing kisa a, UZO a membership hing ngente’n Zou lai ang pom ua, Zou tawndan a ang tawn ua,UZO a member fee a pieh ua a ngiem pen a, UZO Executive Committee in a phalpieh leh, UZO sung member khat in a kisimta diing hi. Khuleh Zou Tribe Certificate a lah nuom leh Zou ka hita chia kipuonkhietna Court tungtawn in a bawl diing ua, Zou Tribe member khat ahita diing uhi.
Tualeh Zomite kikhaikhawmna Zomi Council ah pucca founding member i hi uhi. I Zomi hipite toh gal-le-sa a zong pangkhawm a, shi-le-shikhawm, hinleh hingkhawm diing chite nam lah a nam khat i hita uhi. Khijieh in, i Zomi nam kipawlkhawmna a hamphatna a umleh, a tangthei diingte i hita ua, tuohkhawm/thawkhawm diing a umleh zong a tuoh diingte i hita uhi. Zouta hinanleh Zomi kipalkhawmna, Zomi Council leh a bahiengte ana nang a, na dalte dal diing leh nang dingte i hita uhi chi tunia hing peikhawm memberte’n thei gige leh tuhkip zing diing a i hanchiem diing uh ahi. Tam Assembly a member a hing panglou i mite i hilchien diing u khu tuni i kikhopna ua i thupi khat i hisah diing un zong ka’ng pulah hi.
3. I Danbupi (Constitution) Etthana
2001 a Amend kibawl i Zou Danbu pen a lui apat kila a themkhat kiheilamdang ahi. Kei deidan hileh vang tutung Executive thupuasah tungtawn a, hing kiproposedte ban ah Preisident diing kiteeldan pen kipumhen leh hoi ka sa hi. UZO (HQ) Cabinet sung ah (ZWC Member poupou) President chauh kiteel henlen, Vice President, General Secretary (Incharge Administration), Secretary (Incharge Internal-1 & External-1), Asst. Secretary to GS, Secretary (Orgn.), Treasurer leh Volunteer Commander pen President chingpen pa’n kinominate henlen, tamteng tung ah EC in member 2 nominate leh vaihawmdan nuomzaw diing leh masawnzaw diing in ka tuot hi. Tualeh President candidate diing pa, nomination paper khu UZO block 12 lah block 4 teitei in Forward bawlleh a hoi ding hi. Joint Secretary, Finance Secretary, Treasurer leh Volunteer Commander i teel zel uh pen Constitution ah a um sih hi. Tuajieh in i Danbupi a Article No. 54 (E), 57 (E) lahdoh hihenlen ZWC-te electiondan tam atung a bang in kigielluttaleh chi ka’ng pawkhie hi.
4. Zou sung a sum-le-pai kidongte tungtaang
I Zou nam sung ah UG leh ORgn. tuomtuomte’n sum-le-pai a hing don zelzel jieh un UZO (Hq.) in i Zomi kipawlkhawmna bahiengte apat chilou piehtheilou diing chi’n thu a kisuo a, dinmun kisiem hi. Ahi’n, i Zou sung ah hausa ahi’n, mimal ahi’nzong, i Nam dinna (Principle) theinapi zuitumlou in sum-le-pai, bu-le-baal ana pepaipai pawl a um hi. Adieh in Tuining Area, Gunpang area, Sugnu area leh Sajiktampak area huop a Hausate leh minautaangte’n UKLF, KNA leh ZDV-te kung ah sum-le-pai, bu-le-baal kum chin phiel in i pezel uhi. Singnuoimi leh Singtungmite apat buoina leh hasatna khat i nei chieng inlah, UZO(Hq) lamkaite, President, Secretary heita e? Bangchia hing velou, hing enlou nahichi uleh kitawptave un chia hing maitang kawh ngappai i um sausau uhi. Ahi’n lah UZO in Anual Fund Rs.50 i na don zel uh zong hitalou Mikhat in dangka teng 1 a kidon kal kumthum peita a kho nautang mipite leh meitai, tagate chitahlou khuo hausa pawlkhat leh kumpi nasep nei lailai i nam sung mising theithietna dia kidong mi kaht a dangka teng khat pe nuonlou zong i om nalai uhi. Executive level leh ZWC level guoh hitalou a Assembly nukhia a i gensa tam sum don diing singtang gam leh a gamla deu UZO block huom sung mite chida tavei, Lamda Block, Imphal Block, Haupi Block chi bang in i cunsus a sum toh kim diem a nang zawtheiloudante u pen kingaisutna tham ching kasa hi. Ahi’n lah, UZO (Headquater) Lamkaite’n katha uh leh ka lungsim uh i nam ua diing in kaphal zing ua sum-le-pai UZO in a neilou hun in zong pawkhie in i mi-i sate hahsatna tuni tanchieng i kazaw khamtan un muol-tang, tupi-tuita pal in i mite hahsatna kadelzuitou uhi. (Pa Pasian in hing panpi zing nalai chi kiphawh vai)
5. M.L.A. Election Thu
2000 leh 2002 a Singngat A/C MLA Election a zoute a kaizoulaouna pen midang namdang sang i eima zou leh zou sung ah kithangsiet-ki-engsiettuom a um zieh in namdante’n chance hing laah khum in kathei hi. Zou condidate pa sang Paite candidate etna neizaw a kipei UZO lamkai in opzieh uh zong hikha va. I zogam pen zou lamkai pawlkhat zieh leh tup-le-niim neilou a be-le-phung a vote pongsai pawlkhat zieh in tuni chieng in i gam-le-i mi i sate ngui in kap uhi. Election pen zoutate’n kimawlna’n i neithei naisih diing ua, i minam tawisang na leh i suotat-i hinthena diing uleh i tenthei-i giehtheina diing a isai diing uh hizaw hi. Mihausate leh nam khangtousate’n kimawlna leh sum suina’n (Games and Gambling) in nei nanleh zoutate’n vang games a i ngaisut khah uleh i lawchinlou laisie’n i innsung a sukha dia i neisa-i inn- lou a suhkhah hanah khophawh pan i tanoute tanpha ki-enlou ki-houlou leh kikhawp lou thei opthei ahizaw hi. Tuabanah i sakhuo/i biehna leh i hagau hinna dia i pasian nasepna tanchieng sukha ahi. Hichibang sil omtheite zieh in i nam (UZO) minpan a MLA Election saipen thwpsan phitphet tavai. Amabou a lou theilou a UZO a kilaplou zieh a lawsapna i nam in i neihiel diing leh vang a Contituency in a huop Block lamkaite leh hausa upate’n ZWC toh kithuzah in na kingaisut uh hen len i zou nampumpi kithing jen a i genjel upen bawlnon mawng mawng sih vai.
6. Tulai hun a gamsung umdan
Tu kumsung in i zoukhuote ah singneimite leh Indian Armyte ki-kaptuona um zeuhzeuh hi. 2004 May leh June sung in Sajiktampak (Chandel District) area ah kikaptuona a om a mipite Sajiktampak ah tunitan in Refugee a umden pawl a um nalai hi. October leh November sung in Singngat Area Teikot, Alusingtam, Zoukhonuom ah kikaptuona a um zeuh zeuh hi. Pasian venajal in innkang khat-le-ni umnanleh shina hiel tuoh i um naisih uhi. Teikot incident (Kikaptuona) zieh in i nam min in panpina leh huna bawl diing kana phuong a tunitan chieng in :
A. MGP Zomi Colony Hattuom a kipat in a sum in Rs. 650/-
B. ELCC Hiengzou Hattuom a kipat in a sum in Rs. 284/-
Avan in :-
1) Jean toka - 2 2) Paijama - 2
3) N-Jacket - 1 4) Kamis - 1
5) T-Shirt - 3 6) N . Puon ah - 4
7) N. Muffler - 1 8) Puon-Aah - 5
9) Halfpant - 1
Agawm in 20
C. MGP Central Church akipat in :
1) Puon-Aah -9 2) Toka -3 3) Slipper -2
Agawm in 14 a’ng tungta a tu’n Singngat Block President leh Secretary in Teikot khuo i mite kung a ana piehkhiet diing un hing lata uhen (Mipi’n angtuohte tung a i kipah etsashnan khut beng chiet vai).
Tualeh Indian Armyte’n Singneimite opngaina area teng luo ang sawmtah jieh un Sajiktampak, Paldai, Sugnu, Sangaikot, Muollum leh Singngat khuote ah army camp a omta hi. Behieng ah a opna diing uh Arrangament zong aumta a, tambang sil omdante zieh in UZO Block lamkaite leh Hausa leh Unit lamkaite mopuohna ang kibetou zel hi. ZYO leh ZSP-te-ki-Gear-up a ngaita a, Youth Club a tangval-nungahte alert tah a op hun a’ng hita. Kholai a zaan sawtpi vaithamlou diing, Aw-sang kimoh koulou diing Zu-kham a khophohlou a kilia hun hitalou gamsung leh mi khuo a singneimi leh sepaite ginlelthei bepdia moh-gie mawh vaahkoi bawltahlou diing ahi. Singneimite leh sepaite a pat seki ana, antang khuot-khat khuot-ni, zu thawl khat thawlni lam-etna a koima CID a pan vawtlou diing ahi. Ahitheitan in ZDV a nata-na nau omte uh hatkhiet sawm un. Sepaite i zahsah leh (i nam min in) bang ma a lawlouna diing un ngen vai. Singneimi poupou i ta-i nau hinanleh i inn a i giehsah a i Telephone i zahsah a, a vanh i puohpih leh security tam mamata ahizieh in nualam in buoina in thuothei chi manghil shi vai. Tamte i kidisahna thu mai ahia, a jiehpen zoutate tawm ikisa a mi-za phalou i hi jieh in khat mama zong a shi diing leh a mang diing in i kiphalsih uhi.
7. A tawpna diing leh thu poimaw themkhatte
Tualeh a’ng peikhawm memberte ka houlim tawpna ah kang vaihah nuom uhleh i ngaisutna ua i pansah diing ua ka dei thute themkhat zong kang sulang nuom kia hi. I lungsim ngaisutna ah tamte ngaisun vai :
I. Hattuom leh nam koizaw na ngaina zaw ei? Nam chavai leh hattuom a iing kipthei diei? Nam nganatna bei na hattuom suh hat i sawm jieh a zou sung a pawltuom pungzaw deudeu hilou ama?NI tawmnoukhat sung a pawl tampi siem a huna tuom tuomdaw diing leh awlkhat a dina jumna tuomtuom daw diing pen pediingte’n koizaw ah huna a sunghaam nuom zaw diei?
II. Hattuom tungtawn a mi kithuopina (Project ) lam-en a khantou i kinep sang in hattuom sung a upate a pat Pastor/Revten, namkhat leh gamkhat changkang na dia guonsa a um kumpi sum sah didan leh sai dingdan ngaisun diing MLA i neitheina diing in panla chiet henlen hattuom ngaina, nam ngaina, mi taima leh mi kiphal thei i sahpen khat kumpi in zoute kituita nadia a’ng guonpieh singngat A/C MLA i n kaidohsah sawm lei I hattuom dan sukhiel i suohta diei?
III. I nam sung suhdih diing leh siemhoi diing sawm in UZO in i danpupi a umsa dungjui in volunteer khautah in bawlta lei i nam sung a election peidan leh hattuom kipumkhat theina ding in sil suhdoh-siemdoh i neizou uoi?
IV. I nam kikhaikhawmna UZO in a theiphahlou ban ah poimaw asah nonlou nua in i zou nam minpu in Zou Defence Volunteer (ZDV) hing kiphuokhum mawh a i nam suminsie leh su neu hilou ama? Paite, Thadou, Tangkhul, Meitei, Mao, Lotha, Ao, Angami (Tribe) zaat min a singneimi min kibawl i theikhata uoi? (I theikhah leh diing in hing gen di vawi un). I thei a umsih leh pen zou chia Defence volunteer hing kibawl pen i zou nam a dia buoitheina zoh hing tun diingte ahi uh chiin tuni’n i phuong thei diing uoi? chia a tung a thumal 4te tuni i kikupna ua i genkhaem diing un na ma uah kang luikhie hi.
Pa pasian in i Nam hing guoljolta henlen UZO hing phungvua in hing mapui zingta hen. Member hing peikhawmte zousie na unpi un salam.
UZO Damsawt hen!! (Thum vei sam vai)
Hat ahibang in a 50veina UZO Annual Assembly,2004 tuni 12/11/2004(Ziltawpni) in Zougâl Hall ah Pu Suankhanmang, Speaker uhna nuoi a nei ahi. Vaiguon (Programme) a bang in Pu Liansuankap, Acting General Secretary in Recording a bawl hi.
Assembly Honna
Pu Rev. P. Khupdoukham, Moderator, ELCC in Laisienthou Nasepte 17:21 leh Isai 60:12 sim in a 50veina UZO Annual Assembly honna/Siensuona a nei hi. Hantawh thugenna a neizou in thumna a nei hi.
Speker puina in Assembly nukhia pen leh tukikâl a ang shisantate sûnna nei ahia, speaker chielna bang in General Secretry in mishite min simkhietna a neizaw in Minute 2 sung Assembly palai zousie ding in daidide in ki-um a, Speaker guot bang in Rev. H. Nengzatun in thumna a nei hi.
Speaker chiel bang in Pu Haumang, Secretary, Haupi Block in UZO Lapi sahna mapui hi. Member peikhawm 82 ahi (See Annexture A)
Speaker chielbang in zatat-huoi Pu T. Hangkhanpao, President UZO in Assembly Address a bawl hi (See Annexture B).
Speaker in Presidential Address toh kisai doh ut, dohtheina hun a hong hi. Memberte’n a dohte uh President in hilchetna a bawlzou in No.3 leh No. 5 pen agenda a lah ahia, adangte Proceeding a pom ahita hi.
Assembly thusai poimawte
• Misingsimna zousiengta Kailamnuoi Block kipahpi ahi. Adangte’n Golden Jubilee tan a zousieng a Treasurer a submit chiet dîng.
• Unit leh Block hun(Term) 31/10/2004 a beita pen EC in haguh belap dîng a ang puohlut khu pom ahi.
• Constitution Amendment, Bill 2004 EC in ang luikhiet khu a nuoiate chillou adangteng pom ahi. Tuate: Bawng III Khîl (1) (F), (G) leh (H) (Annexture D)
• Presidential Address No. 3 leh No. 5 khu EC in na ngansie ahi.
• Election Commission dîng EC in na guongta henlen, guona umte’n term khatsung (Kumli) a paw dîng uhi.
• Singngat Block thulut Pawlpi min khu United Zou Organisation chitah dîng thu pen EC ngansie ahi.
• Behieng Block thulut, Tv. Hangliankhup ZDV a pang, Zailtâng hing pawt khu civillian khat a a ummuong theina dia pawlpin pan lahpieh dîng a, block tungtawn a, a pa’n ngetna a bawl khu kipahpi ahi.
General Secretary munawng a dia Bye-Election a dia, kingetna laipie Pu m. Dongzalam Zou khu Speaker in Uncontest a ching a hita chia innpi a theisah khu kipahpi ahi. Dân bangtah in Speaker chiel bang in Pu T. Hangkhanpao, President UZO in Gin-umna thuchiem a neisahpai hi.
Adoption of Resolutions zawsieng ahi in a nget bang in, Speaker phalna toh Pu T. Gougin, Father of Zou (Zou Pa) in thugenna a nei hi. Ama’n “I thupi dîng un-Pasian/Mangpa zatat khu pilna bul ahi. Silbangkim bul ahi- chi khu hitaleh” chi in Assembly palâite vaihah hi.
Text of Speech of T. Hangkhanpao, President UZO (NEI) At the United Zomi Organisation Annual Assembly Session held at Zogal Hall, Zoveng, Churachandpur, Manipur, On the 12th Nov. 2004.
Zatat huoi 2004 UZO Annual Assembly hing mang, UZO Block 12 apat hing pei Assembly palaite na hun manphatahte uh i nam vaihawmpina “Assembly” a diing a nang piehkhietthei jieh un na unpi uh tung ah lungdam thu ka’ng gen masapen hi. Tualeh tamchibang a kisutuothei a i umtheina pen i Pa Pasian ma, hing panpina jieh ahi chizong i phoh ua, ama tung ah kipah i gensawn kia uhi. Tualeh, ngainatah in Hq. lamkaite sih-le-taang in kang nalamtuona un ka touna uh chiet apat dinsa’n ka khut zietlam chiet ka’ng domsang uhi (ZWC Membr teng ding in khutzietlam Mipilam en in me hiuhiau kawm in a khut zietlam chiet a domsang uhi)
Tutung Assembly hi UZO(HQ) tu-le-tu a lamkaite a diing in aniveina ahi hi. 2002 September in 2002 Annual Assembly nei ana kisawm a, ana kiphuong khemanta a, ahi’n ZDV te’n ang kham jieh un 2002 Annual Assembly a kineilou khat a suohta a, tuajieh in 2001 H.Q. Electionzou apat Assembly 2vei i manna uh ang suoh hi. Ahi’n, nam khat kichi iyi a, Danbupi khat neisam iyi a, UZO in a theiphahlou pawltuom khat in ang kham jieh a annual Assembly neilou um pen dihtheilou hi chia, mipi ngaidan a um jieh in 2003 April in Manipur Presbyterian Church Synod Hal, IB Road, Lamka ah a kinei hi. Neitheilou dia kham pawl bang ang um nalai a, ahi’n BSF Security kinaisah a, a kipeisuoh hi Khujieh in BSF-te kung ah avelvel in kipahthu i puong uhi. I Zogal Memorial Hall, Phamsa i lamkaite’n kisahtheipitrah a, ana puo uh, UZO (NEI) adia, i gouneisun uh sung a Assembly neingamlou a i umtheinate uh pen koimadang jieh hilou in Zou Nam khan diing dei sengseng a “UZO hatsih uteh, hang sih uteh, nam it sih uteh” chia ei ipla na umtah jieh ahizaw a, ahi’n tuni’n dam leh bittah in tam Hallpi sung ah i toutheita ua, a hatdeu, a hangdeu, nam itdeu semta i hi uh chi i kiphawh diing ua, tamte jieh in zong “ I Pa Pasian in Zou nam mawlte lah ah thupina hing tangzingta hen”.
Zatat-huoi, assembly memberte, tutung i Assembly leh na masang uah thu themkhat ka’ng luikhe nuom hi.
1. Population
Zoute 2001 General Census dungzui in 19,000+(Below 20,000) i pha uhi. Zoukam a hamnapi, Zoutawn a tawnnapi, Zou a kikhum nuomlou Zou sung a i um jieh un i misingza i pun diing bang un i pungthei sih uhi. Kumsiel in January leh February in Govt. in mising simna census a bawl zing a Hausa khonei, gam neite’n a khuo mising kisimna i khohsah mama uh a ngaita hi.
UZO in mising simna diing in mi khat ah Dangaka peh khat (Re 1) registration lah diing chi’n 2002 leh 2003 General Fund donglouzen in vai i h awm ua, hinanleh kum thum sung i sihnua un zong a zoutheilou Block i umnalai uhi.
2. I Nam Dinmun
Zoute pen Zomi kichite lah a nam khat mama i hi uhi. Ham-le-pau tuom i kinei a, i ham in class X subject khat Mark 100 puo kisim in kigieltheita hi. Ei zoute pen i pu- i pa tawndan chiengtah kemte i hi ua, tualeh i kivaihawmna uh UZO ahi hi. UZO India gam a Zoutate kivaihawmna hinanleh koitobang Zousuon hikhalou, i mahpa ahisihleh i pu suite (e.g. Chin Kuki, Mizo sung guoh hilou in, Kawl, Vai, Nepali, English, etc.) hinanleh UZo sung a hamuong diing leh bit diing kisa a, UZO a membership hing ngente’n Zou lai ang pom ua, Zou tawndan a ang tawn ua,UZO a member fee a pieh ua a ngiem pen a, UZO Executive Committee in a phalpieh leh, UZO sung member khat in a kisimta diing hi. Khuleh Zou Tribe Certificate a lah nuom leh Zou ka hita chia kipuonkhietna Court tungtawn in a bawl diing ua, Zou Tribe member khat ahita diing uhi.
Tualeh Zomite kikhaikhawmna Zomi Council ah pucca founding member i hi uhi. I Zomi hipite toh gal-le-sa a zong pangkhawm a, shi-le-shikhawm, hinleh hingkhawm diing chite nam lah a nam khat i hita uhi. Khijieh in, i Zomi nam kipawlkhawmna a hamphatna a umleh, a tangthei diingte i hita ua, tuohkhawm/thawkhawm diing a umleh zong a tuoh diingte i hita uhi. Zouta hinanleh Zomi kipalkhawmna, Zomi Council leh a bahiengte ana nang a, na dalte dal diing leh nang dingte i hita uhi chi tunia hing peikhawm memberte’n thei gige leh tuhkip zing diing a i hanchiem diing uh ahi. Tam Assembly a member a hing panglou i mite i hilchien diing u khu tuni i kikhopna ua i thupi khat i hisah diing un zong ka’ng pulah hi.
3. I Danbupi (Constitution) Etthana
2001 a Amend kibawl i Zou Danbu pen a lui apat kila a themkhat kiheilamdang ahi. Kei deidan hileh vang tutung Executive thupuasah tungtawn a, hing kiproposedte ban ah Preisident diing kiteeldan pen kipumhen leh hoi ka sa hi. UZO (HQ) Cabinet sung ah (ZWC Member poupou) President chauh kiteel henlen, Vice President, General Secretary (Incharge Administration), Secretary (Incharge Internal-1 & External-1), Asst. Secretary to GS, Secretary (Orgn.), Treasurer leh Volunteer Commander pen President chingpen pa’n kinominate henlen, tamteng tung ah EC in member 2 nominate leh vaihawmdan nuomzaw diing leh masawnzaw diing in ka tuot hi. Tualeh President candidate diing pa, nomination paper khu UZO block 12 lah block 4 teitei in Forward bawlleh a hoi ding hi. Joint Secretary, Finance Secretary, Treasurer leh Volunteer Commander i teel zel uh pen Constitution ah a um sih hi. Tuajieh in i Danbupi a Article No. 54 (E), 57 (E) lahdoh hihenlen ZWC-te electiondan tam atung a bang in kigielluttaleh chi ka’ng pawkhie hi.
4. Zou sung a sum-le-pai kidongte tungtaang
I Zou nam sung ah UG leh ORgn. tuomtuomte’n sum-le-pai a hing don zelzel jieh un UZO (Hq.) in i Zomi kipawlkhawmna bahiengte apat chilou piehtheilou diing chi’n thu a kisuo a, dinmun kisiem hi. Ahi’n, i Zou sung ah hausa ahi’n, mimal ahi’nzong, i Nam dinna (Principle) theinapi zuitumlou in sum-le-pai, bu-le-baal ana pepaipai pawl a um hi. Adieh in Tuining Area, Gunpang area, Sugnu area leh Sajiktampak area huop a Hausate leh minautaangte’n UKLF, KNA leh ZDV-te kung ah sum-le-pai, bu-le-baal kum chin phiel in i pezel uhi. Singnuoimi leh Singtungmite apat buoina leh hasatna khat i nei chieng inlah, UZO(Hq) lamkaite, President, Secretary heita e? Bangchia hing velou, hing enlou nahichi uleh kitawptave un chia hing maitang kawh ngappai i um sausau uhi. Ahi’n lah UZO in Anual Fund Rs.50 i na don zel uh zong hitalou Mikhat in dangka teng 1 a kidon kal kumthum peita a kho nautang mipite leh meitai, tagate chitahlou khuo hausa pawlkhat leh kumpi nasep nei lailai i nam sung mising theithietna dia kidong mi kaht a dangka teng khat pe nuonlou zong i om nalai uhi. Executive level leh ZWC level guoh hitalou a Assembly nukhia a i gensa tam sum don diing singtang gam leh a gamla deu UZO block huom sung mite chida tavei, Lamda Block, Imphal Block, Haupi Block chi bang in i cunsus a sum toh kim diem a nang zawtheiloudante u pen kingaisutna tham ching kasa hi. Ahi’n lah, UZO (Headquater) Lamkaite’n katha uh leh ka lungsim uh i nam ua diing in kaphal zing ua sum-le-pai UZO in a neilou hun in zong pawkhie in i mi-i sate hahsatna tuni tanchieng i kazaw khamtan un muol-tang, tupi-tuita pal in i mite hahsatna kadelzuitou uhi. (Pa Pasian in hing panpi zing nalai chi kiphawh vai)
5. M.L.A. Election Thu
2000 leh 2002 a Singngat A/C MLA Election a zoute a kaizoulaouna pen midang namdang sang i eima zou leh zou sung ah kithangsiet-ki-engsiettuom a um zieh in namdante’n chance hing laah khum in kathei hi. Zou condidate pa sang Paite candidate etna neizaw a kipei UZO lamkai in opzieh uh zong hikha va. I zogam pen zou lamkai pawlkhat zieh leh tup-le-niim neilou a be-le-phung a vote pongsai pawlkhat zieh in tuni chieng in i gam-le-i mi i sate ngui in kap uhi. Election pen zoutate’n kimawlna’n i neithei naisih diing ua, i minam tawisang na leh i suotat-i hinthena diing uleh i tenthei-i giehtheina diing a isai diing uh hizaw hi. Mihausate leh nam khangtousate’n kimawlna leh sum suina’n (Games and Gambling) in nei nanleh zoutate’n vang games a i ngaisut khah uleh i lawchinlou laisie’n i innsung a sukha dia i neisa-i inn- lou a suhkhah hanah khophawh pan i tanoute tanpha ki-enlou ki-houlou leh kikhawp lou thei opthei ahizaw hi. Tuabanah i sakhuo/i biehna leh i hagau hinna dia i pasian nasepna tanchieng sukha ahi. Hichibang sil omtheite zieh in i nam (UZO) minpan a MLA Election saipen thwpsan phitphet tavai. Amabou a lou theilou a UZO a kilaplou zieh a lawsapna i nam in i neihiel diing leh vang a Contituency in a huop Block lamkaite leh hausa upate’n ZWC toh kithuzah in na kingaisut uh hen len i zou nampumpi kithing jen a i genjel upen bawlnon mawng mawng sih vai.
6. Tulai hun a gamsung umdan
Tu kumsung in i zoukhuote ah singneimite leh Indian Armyte ki-kaptuona um zeuhzeuh hi. 2004 May leh June sung in Sajiktampak (Chandel District) area ah kikaptuona a om a mipite Sajiktampak ah tunitan in Refugee a umden pawl a um nalai hi. October leh November sung in Singngat Area Teikot, Alusingtam, Zoukhonuom ah kikaptuona a um zeuh zeuh hi. Pasian venajal in innkang khat-le-ni umnanleh shina hiel tuoh i um naisih uhi. Teikot incident (Kikaptuona) zieh in i nam min in panpina leh huna bawl diing kana phuong a tunitan chieng in :
A. MGP Zomi Colony Hattuom a kipat in a sum in Rs. 650/-
B. ELCC Hiengzou Hattuom a kipat in a sum in Rs. 284/-
Avan in :-
1) Jean toka - 2 2) Paijama - 2
3) N-Jacket - 1 4) Kamis - 1
5) T-Shirt - 3 6) N . Puon ah - 4
7) N. Muffler - 1 8) Puon-Aah - 5
9) Halfpant - 1
Agawm in 20
C. MGP Central Church akipat in :
1) Puon-Aah -9 2) Toka -3 3) Slipper -2
Agawm in 14 a’ng tungta a tu’n Singngat Block President leh Secretary in Teikot khuo i mite kung a ana piehkhiet diing un hing lata uhen (Mipi’n angtuohte tung a i kipah etsashnan khut beng chiet vai).
Tualeh Indian Armyte’n Singneimite opngaina area teng luo ang sawmtah jieh un Sajiktampak, Paldai, Sugnu, Sangaikot, Muollum leh Singngat khuote ah army camp a omta hi. Behieng ah a opna diing uh Arrangament zong aumta a, tambang sil omdante zieh in UZO Block lamkaite leh Hausa leh Unit lamkaite mopuohna ang kibetou zel hi. ZYO leh ZSP-te-ki-Gear-up a ngaita a, Youth Club a tangval-nungahte alert tah a op hun a’ng hita. Kholai a zaan sawtpi vaithamlou diing, Aw-sang kimoh koulou diing Zu-kham a khophohlou a kilia hun hitalou gamsung leh mi khuo a singneimi leh sepaite ginlelthei bepdia moh-gie mawh vaahkoi bawltahlou diing ahi. Singneimite leh sepaite a pat seki ana, antang khuot-khat khuot-ni, zu thawl khat thawlni lam-etna a koima CID a pan vawtlou diing ahi. Ahitheitan in ZDV a nata-na nau omte uh hatkhiet sawm un. Sepaite i zahsah leh (i nam min in) bang ma a lawlouna diing un ngen vai. Singneimi poupou i ta-i nau hinanleh i inn a i giehsah a i Telephone i zahsah a, a vanh i puohpih leh security tam mamata ahizieh in nualam in buoina in thuothei chi manghil shi vai. Tamte i kidisahna thu mai ahia, a jiehpen zoutate tawm ikisa a mi-za phalou i hi jieh in khat mama zong a shi diing leh a mang diing in i kiphalsih uhi.
7. A tawpna diing leh thu poimaw themkhatte
Tualeh a’ng peikhawm memberte ka houlim tawpna ah kang vaihah nuom uhleh i ngaisutna ua i pansah diing ua ka dei thute themkhat zong kang sulang nuom kia hi. I lungsim ngaisutna ah tamte ngaisun vai :
I. Hattuom leh nam koizaw na ngaina zaw ei? Nam chavai leh hattuom a iing kipthei diei? Nam nganatna bei na hattuom suh hat i sawm jieh a zou sung a pawltuom pungzaw deudeu hilou ama?NI tawmnoukhat sung a pawl tampi siem a huna tuom tuomdaw diing leh awlkhat a dina jumna tuomtuom daw diing pen pediingte’n koizaw ah huna a sunghaam nuom zaw diei?
II. Hattuom tungtawn a mi kithuopina (Project ) lam-en a khantou i kinep sang in hattuom sung a upate a pat Pastor/Revten, namkhat leh gamkhat changkang na dia guonsa a um kumpi sum sah didan leh sai dingdan ngaisun diing MLA i neitheina diing in panla chiet henlen hattuom ngaina, nam ngaina, mi taima leh mi kiphal thei i sahpen khat kumpi in zoute kituita nadia a’ng guonpieh singngat A/C MLA i n kaidohsah sawm lei I hattuom dan sukhiel i suohta diei?
III. I nam sung suhdih diing leh siemhoi diing sawm in UZO in i danpupi a umsa dungjui in volunteer khautah in bawlta lei i nam sung a election peidan leh hattuom kipumkhat theina ding in sil suhdoh-siemdoh i neizou uoi?
IV. I nam kikhaikhawmna UZO in a theiphahlou ban ah poimaw asah nonlou nua in i zou nam minpu in Zou Defence Volunteer (ZDV) hing kiphuokhum mawh a i nam suminsie leh su neu hilou ama? Paite, Thadou, Tangkhul, Meitei, Mao, Lotha, Ao, Angami (Tribe) zaat min a singneimi min kibawl i theikhata uoi? (I theikhah leh diing in hing gen di vawi un). I thei a umsih leh pen zou chia Defence volunteer hing kibawl pen i zou nam a dia buoitheina zoh hing tun diingte ahi uh chiin tuni’n i phuong thei diing uoi? chia a tung a thumal 4te tuni i kikupna ua i genkhaem diing un na ma uah kang luikhie hi.
Pa pasian in i Nam hing guoljolta henlen UZO hing phungvua in hing mapui zingta hen. Member hing peikhawmte zousie na unpi un salam.
UZO Damsawt hen!! (Thum vei sam vai)
0 comments:
Post a Comment